Hans og Dorthe gav opp jprda til dottera Karen Hansd. og mannen hennar Andreas Monss. Dei vart gift i 1796.
Etter at Hans døde i 1803, flytta Dorthe til døttra Bille som var gift på Øvre Drageid. Ho dø der i 1812. Buet etter Hans syner at dei hadde levd komfortabelt, og ikkje i same overflod som naboane deira på Østre Nergården. Hans kunne flotte seg med skospenner og knappar av sølv, og paret eigde ein god del sølvtøy og bordtøy av tinn. Kårstova var varma av ein kakkelovn av stein. Det fanst tre bøker i buet.: "Fattig Manns Husbok", Dass Katekismi, og ei salmebok. Pluss tre par briller til å lese bøkene med. Dei eigde og ein del i eit forholdsvis sjeldent hjuleredskap, ein hjulslede.